Morlyn Llanw

Byddai’r prosiect £4bn hwn yn cynnwys canolbwynt trafnidiaeth ynni gwyrdd, un o gyfleusterau cynhyrchu ynni solar mwyaf y DU, a chyfleuster gweithgynhyrchu newydd yn gwneud batris uwch-dechnoleg a fyddai’n storio’r ynni adnewyddadwy a gynhyrchir gan y prosiect i’w ddosbarthu ledled y byd. Bydd y prosiect yn cynnwys morlyn llanw, eco-gartrefi wedi’u hangori yn y dŵr, canolfan ddata ar raddfa fawr a chanolfan ymchwil newid hinsawdd a chefnforol. Bydd y prosiect yn creu 2,500 o swyddi parhaol ac yn cefnogi 16,000 o swyddi pellach ar draws Cymru a’r DU.