Cyllid a Chefnogaeth Busnes
Mae Abertawe'n darparu amgylchedd gefnogol i alluogi eich busnes i ffynnu.
P'un a ydych chi'n lansio menter newydd neu'n ehangu busnes byd-eang, mae Abertawe'n cynnig cyngor arbenigol i fusnesau a chefnogaeth benodol i sectorau.
Cyllido
O grantiau a benthyciadau i fuddsoddiad ecwiti, gall busnesau yn Abertawe gael mynediad i amrywiaeth o ffrydiau cyllido.
Grantiau Cyngor Dinas Abertawe: Mae cyllid wedi'i dargedu ar gael i gefnogi arloesedd, mentrau busnes gwyrdd a chyfleoedd cyflogaeth lleol.
Cronfa Trawsnewid Trefi: Dan arweiniad Llywodraeth Cymru, mae'r gronfa hon yn cefnogi gweithgaredd economaidd ac adfywio yn y ddinas a chanolfannau ardal.
Cymorth Arloesi: Drwy Innovate UK, Timoedd Arloesi a Rhanbarthol Llywodraeth Cymru, a'r Adran dros Wyddoniaeth, Arloesedd a Thechnoleg, gall busnesau sydd wedi'u lleoli yn Abertawe gael mynediad i gyllid grant a chefnogaeth Ymchwil a Datblygu.
Cronfa Fuddsoddi i Gymru: Cronfa gwerth £130 miliwn sy'n cefnogi twf BBaChau gyda benthyciadau, buddsoddiad ecwiti a cyllid i ariannu dyledion.
Banc Datblygu Cymru: Yn cynnig benthyciadau, cyllid ecwiti a buddsoddi cychwynnol ar gyfer busnesau newydd a busnesau wedi'u sefydlu ar draws Cymru.
Cefnogaeth i Fusnesau
Mae cefnogaeth arbenigol ar gael yn Abertawe i helpu busnesau i ymdopi â heriau a thyfu'n llwyddiannus.
Cyngor Abertawe: Mae gan y cyngor dîm busnes penodol sy'n cynnig amrywiaeth o gyngor a chefnogaeth waeth beth yw maint neu sector eich busnes.
AGB Abertawe: Yn darparu cyngor, gwasanaethau a phrosiectau i helpu busnesau o bob maint sydd wedi'i lleoli yng nghanol y ddinas.
Prifysgol Abertawe: Yn cynnig cefnogaeth i arloesedd, partneriaethau ymchwil a chyfleoedd i gydweithredu ar fusnes.
Busnes Cymru: Gwasanaeth am ddim sy'n cynnig cyngor ar gynllunio busnes, marchnata, Adnoddau Dynol a strategaethau twf.
Cefnogaeth penodol i sector
Mae gan Abertawe gryfderau cynyddol mewn nifer o sectorau allweddol ac mae'n darparu cefnogaeth wedi'i deilwra i helpu.
Digidol a Thechnoleg: Gyda ffocws ar ddatblygu dinas glyfar ac arloesedd digidol, mae Abertawe'n cefnogi cwmnïau technoleg newydd a rhai sy'n tyfu.
Diwydiannau Creadigol: Mae Hwb Diwydiannau Creadigol Abertawe yn meithrin busnesau ym meysydd dylunio, cyfryngau a'r celfyddydau.
Busnesau Gwyrdd a Chynaliadwy: Gall busnesau sy'n datblygu technoleg glân a datrysiadau eco-gyfeillgar gael mynediad i gefnogaeth drwy fentrau gwyrdd lleol.
Sut y gallwn ni helpu
Mae InvestSwansea.com ar gael i chi drwy Gyngor Abertawe a AGB Abertawe. O'ch ymholiad cyntaf i gyfnod maith ar ôl i chi sefydlu eich hun, rydyn ni yma i helpu.
P'un a ydych chi'n chwilio am y lleoliad perffaith, yn ceisio dehongli rheoliadau a rheolau cynllunio, sicrhau cyllid, cysylltu gyda rhwydweithiau lleol neu'n adeiladu eich gweithlu - mae'n tîm yn barod i gefnogi eich taith.
