Uwch Gynhyrchu
Mae Abertawe'n gyrru dyfodol gweithgynhyrchu uwch - lle mae arloesedd gwyrdd, technoleg ddigidol a rhagoriaeth peirianneg yn dod at ei gilydd i bweru twf cynaliadwy.
Hwb Strategol ar gyfer Diwydiant Uwch-Dechnoleg
Gyda gweithlu medrus, safleoedd datblygu sy'n barod i fynd a chysylltiadau cryf rhwng academia a diwydiant, mae Abertawe'n cynnig popeth sydd ei angen ar fuddsoddwyr i ddechrau ar y gwaith ar unwaith. Mae sector uwch gynhyrchu'r ddinas wedi ymochri'n agos â'r economïau gwyrdd a digidol, gan greu amodau perffaith ar gyfer busnesau blaengar.
Un enghraifft o'r uchelgais hwn yw'r prosiect sy'n cael ei arwain gan Gyngor Abertawe i greu cyfleuster arloesol i gynhyrchu batris technoleg uwch, wedi'u dylunio i storio ynni'r haul a chyflymu pontio'r rhanbarth at ynni glân.
Partneriaethau Academaidd o Safon Byd
Mae Abertawe'n gartref i ddwy Brifysgol sy'n canolbwyntio ar ymchwil ac sy'n gyfrwng i gefnogi arloesedd mewn peirianneg a gweithgynhyrchu uwch.
Mae Campws y Bae, Prifysgol Abertawe yn hwb ar gyfer Ymchwil a Datblygu cydweithredol mewn Peirianneg Uwch, yr Economi Ddigidol a Thechnolegau Carbon Isel. Mae wedi gweithio ar bartneriaethau pwysig gydag arweinwyr diwydiant megis Rolls Royce a TATA Steel, gan gefnogi arloesedd cymhwysol ar raddfa.
Mae Phrifysgol Cymru y Drindod Dewi Sant (PCDDS) yn cyfrannu drwy ei fenter MADE Cymru sy'n darparu arbenigedd Ymchwil a Datblygu a hyfforddiant arloesol mewn technolegau gweithgynhyrchu torfol. Mae dros 300 o fyfyrwyr a gweithwyr proffesiynol yn y diwydiant wedi uwchsgilio drwy'r rhaglen, gan helpu busnesau i addasu ar gyfer dyfodol uwch gynhyrchu.
Lleoliadau Arbennig ar gyfer Tyfu Diwydiant
Mae Abertawe'n cynnig cyfoeth o safleoedd sy'n barod i'w datblygu wedi'u teilwra i uwch gynhyrchu:
Mae Parc Felindre, pum milltir i'r gogledd o'r ddinas, yn lleoliad arbennig ar gyfer datblygu busnesau ac mae llefydd ar gael ar unwaith. Mae'r safle wedi'i glustnodi ar gyfer diwydiannau sy'n dod i'r amlwg a gweithgynhyrchu uwch-dechnoleg, gan ei wneud yn ddewis strategol i gwmnïau sy'n barod i dyfu.
O atebion ynni isel i beirianneg arloesol, mae Abertawe'n siapio dyfodol gweithgynhyrchu - gan gynnig y cyfleusterau, y partneriaethau a'r talent i helpu eich busnes i arwain y ffordd.
Pwy sydd yma...
