Bwyd a Diod
O gynhyrchwyr lleol arobryn i frandiau bwyd a diod arloesol, mae Abertawe'n ddinas lle mae ansawdd, cynaliadwyedd a chreadigrwydd coginiol yn dod at ei gilydd.
Economi Fwyd Leol Ffyniannus
Mae sector bwyd a diod Abertawe wedi'i wreiddio mewn traddodiad ond yn cael ei yrru gan arloesedd. Mae'r ddinas yn hyrwyddo arferion cynaliadwy a chynnyrch sy'n tarddu'n lleol, gan greu cyfleoedd i fusnesau sy'n rhoi gwerth ar effaith amgylcheddol ac economaidd fel ei gilydd.
Brandiau Clodfawr a Llwyddiant Byd-eang
Mae Abertawe'n gartref i frandiau eiconig sy'n cael eu gwarchod gan eu hetifeddiaeth unigryw, yn cynnwys Cig Oen Morfa Heli Gŵyr a Chocos Penclawdd. Yn ganolog i'r diwylliant bwyd lleol hwn mae Marchnad Dan Do arobryn Abertawe - gafodd ei enwi'n ddiweddar yn Farchnad Dan Do Gorau'r DU gan NABMA - lle mae busnesau bwyd a diod annibynnol yn llwyddo.
Mae'r ddinas hefyd wedi bod yn sbardun i hanesion am lwyddiant rhyngwladol fel AU Vodka, un o'r cwmnïau sy'n tyfu gyflymaf yn y DU gyda throsiant o £43.9 miliwn yn 2023. Gyda'i bencadlys yn Abertawe, mae AU Vodka wedi dod yn llwyddiant byd-eang gan gyfuno arloesedd cynnyrch premiwm gyda strategaethau marchnata beiddgar.
Mae enwau safonol eraill yn cynnwys:
- Distyllfa Penderyn - sy'n adnabyddus am ei chwisgi Cymreig premiwm.
- Hufen Iâ Joe's - busnes teulu poblogaidd sydd wedi cynhyrchu hufen iâ crefft ers 1922.
- Bwydydd FEI - wedi'i osod yn 84ain yn 300 Prif Gwmni Cymru 2024, ac yn arweinydd marchnad cynnyrch reis a grawn parod i'w bwyta.
Cefnogaeth i Dwf ac Arloesedd
I fuddsoddwyr ac entrepreneuriaid sy'n dod i mewn i lwyfan dynamig bwyd a diod Abertawe, mae cefnogaeth arbenigol ar gael yn hawdd. Mae rhaglenni fel Sgiliau Bwyd a Diod Cymru yn helpu busnesau prosesu a gweithgynhyrchu i ddatblygu'r sgiliau a'r cymwysterau sydd eu hangen i yrru llwyddiant yn yr hir dymor.
Gyda chadwyn cyflenwi lleol cryf, brandiau sy'n cael eu hadnabod ar draws byd, a diwylliant sy'n dathlu bwyd a chynaliadwyedd, mae Abertawe'n cynnig y rysáit perffaith i fusnesau bwyd a diod llwyddo ac ehangu.
Pwy sydd yma...
